Ueyama Masao (1)

Pasis pli ol kvar jardekoj post kiam mi legis Pardonon! kaj Ne Grimacu! de UEYAMA Masao (1910-1988).  Eventuale mi akiris lian poemaron Por forviŝi la memoron pri ŝi sed ne legis ĝin.

Troveblas informoj (kaj recenzo) pri Ueyama ankaŭ en retejo Originala Literaturo Esperanta (OLE).

Dum jardekoj mi vidis la jenan libron en katalogoj de libroservoj, sed nur ĵus aĉetis ĝin:

L'Omnibuso kun la tri pasaĝeroj, de MIYAMOTO Masao & Ueyama Masao kun ilustraĵoj de Saito Ezo. Kioto: L' Omnibuso, 1980. 65 paĝoj.

Jen enhavtabelo kun notoj.

Here is a book review by Don Harlow in both English and Esperanto. Jen recenzo fare de Don Harlow en Esperanto kaj la angla:

Recenzo: L' omnibuso kun la tri pasaĝeroj

Interrete mi trovis nur kelkajn hajkojn de Ueyama:

Arkivo : Hajko en Esperanto (1 - 200)

Do jen poemo de Ueyama Masao el ĉi tiu libro.

              Bluso pri Misasa 

Foriris lastaj gastoj . . . ĝis revid'.
L' animon triste mordas la kviet'
post vantaj horoj de  amorincit'.
Ha, bluso pri Misasa en pluvet',

Forlasis mute min la juna vir'.
L' acidon mi remaĉas kun bier',
Ĉu vi min tentas al monakir'?
Ha, bluso pri Misasa en vesper'.

Trembrilas pluvaj rosoj sur la pord',
duetas triston cigareda fum'
kaj mi aŭskultas voĉon de la sort'.
Ha, bluso pri Misasa en aŭtun'.

     (Poemo, 1979; p. 8)